Customise Consent Preferences

We use cookies to help you navigate efficiently and perform certain functions. You will find detailed information about all cookies under each consent category below.

The cookies that are categorised as "Necessary" are stored on your browser as they are essential for enabling the basic functionalities of the site. ... 

Always Active

Necessary cookies are required to enable the basic features of this site, such as providing secure log-in or adjusting your consent preferences. These cookies do not store any personally identifiable data.

No cookies to display.

Functional cookies help perform certain functionalities like sharing the content of the website on social media platforms, collecting feedback, and other third-party features.

No cookies to display.

Analytical cookies are used to understand how visitors interact with the website. These cookies help provide information on metrics such as the number of visitors, bounce rate, traffic source, etc.

No cookies to display.

Performance cookies are used to understand and analyse the key performance indexes of the website which helps in delivering a better user experience for the visitors.

No cookies to display.

Advertisement cookies are used to provide visitors with customised advertisements based on the pages you visited previously and to analyse the effectiveness of the ad campaigns.

No cookies to display.

بدھ 9 جويلية 2025 - 13 محرم 1447 نماز کے اوقات

”ورلڈ کلچر فیسٹیول کراچی 2024“ کا شاندار افتتاح

”ورلڈ-کلچر-فیسٹیول-کراچی-2024“-کا-شاندار-افتتاح

آرٹس کونسل کراچی کے زیر اہتمام ”ورلڈ کلچر فیسٹیول کراچی 2024“ کی افتتاحی تقریب کے دوران جنوبی افریقی فنکار پرفارم کر رہے ہیں - فوٹو: آرٹس کونسل کراچی
آرٹس کونسل کراچی کے زیر اہتمام ”ورلڈ کلچر فیسٹیول کراچی 2024“ کی افتتاحی تقریب کے دوران جنوبی افریقی فنکار پرفارم کر رہے ہیں – فوٹو: آرٹس کونسل کراچی

جیو ٹیلی ویژن اور آرٹس کونسل آف پاکستان کراچی کی پیشکش ”ورلڈ کلچر فیسٹیول کراچی 2024“ کا آغاز ہوگیا، ایونٹ کا شاندار افتتاح گورنر سندھ کامران خان ٹیسوری نے کیا۔ صدر آرٹس کونسل محمد احمد شاہ نے ان کا استقبال کیا۔

35 روزہ فیسٹیول میں سری لنکا، ترکی، اومان کے علاوہ مختلف ممالک کے سفارت کاروں نے بھی شرکت کی۔

اس موقع پر گورنر سندھ کامران خان ٹیسوری نے کہا کہ پاکستان کی تاریخ میں ایسے ورلڈ کلچر فیسٹیول کی مثال نہیں ملتی۔ میرے لیے یہ اعزاز کی بات ہے کہ احمد شاہ نے مجھے یہاں بلایا۔ 40 ممالک سے آنے والے فنکاروں کو خوش آمدید کہتا ہوں۔

انکا کہنا تھا کہ ثقافت و شان ہر ملک کا ورثہ ہوتی ہے، ہمیں اپنی ثقافت اور زبان پر فخر ہے۔ بہت سی پریشانیاں اور معاشی بحران کا شکار ہیں مگر زندہ دل قومیں ہی اس کا مقابلہ کرتی ہیں۔

”ورلڈ کلچر فیسٹیول کراچی 2024“ کی افتتاحی تقریب سے گورنر سندھ کامران ٹیسوری خطاب کر رہے ہیں - فوٹو: آرٹس کونسل کراچی
”ورلڈ کلچر فیسٹیول کراچی 2024“ کی افتتاحی تقریب سے گورنر سندھ کامران ٹیسوری خطاب کر رہے ہیں – فوٹو: آرٹس کونسل کراچی

گورنر سندھ نے کہا کہ عوام کے اداس چہروں پر خوشیاں بکھیرنے کا کام صرف احمد شاہ ہی کر سکتے ہیں، آرٹس کونسل میں احمد شاہ نے فنکاروں کو جو پلیٹ فارم مہیا کیا ہے اس پر وہ مبارکباد کے مستحق ہیں۔

انہوں نے یہ بھی کہا کہ ثقافتی میلہ لوٹنے کا سہرا کراچی کو جاتا ہے۔ 35 دن تک ملک کا مثبت چہرہ پوری دنیا میں دیکھا جائے گا۔ سندھ حکومت نے اس فیسٹیول کے انعقاد میں بھرپور کردار ادا کیا ہے۔ آج کا دن ہمارے لیے فخر کی بات ہے، اچھے دن آچکے ہیں، ہمارے فنکار بھی دنیا بھر میں پاکستان کا نام روشن کریں گے، محمد احمد شاہ اور سندھ حکومت کو ورلڈ کلچر فیسٹیول کراچی کے انعقاد پر مبارکباد پیش کرتا ہوں۔

اس موقع پر صدر آرٹس کونسل محمد احمد شاہ نے کہا کہ ورلڈ کلچر فیسٹیول کراچی کا مقصد نہ صرف پاکستان بلکہ پوری دنیا کی ثقافت اور فنکاروں کو آپس میں جوڑنا ہے۔

صدر آٹس کونسل کراچی محمد احمد شاہ ”ورلڈ کلچر فیسٹیول کراچی 2024“ کی افتتاحی تقریب سے خطاب کر رہے ہیں - فوٹو: آرٹس کونسل کراچی
صدر آٹس کونسل کراچی محمد احمد شاہ ”ورلڈ کلچر فیسٹیول کراچی 2024“ کی افتتاحی تقریب سے خطاب کر رہے ہیں – فوٹو: آرٹس کونسل کراچی

انکا کہنا تھا کہ ہم اپنی پانچ ہزار سال پرانی ثقافت کو دنیا کے سامنے لانا چاہتے ہیں، لوگ ہمیں دہشت گرد کہتے ہیں مگر میں ان کو بتانا چاہتا ہوں کہ ہم بہت محبت کرنے والے لوگ ہیں۔ ہم ٹیکسلا، ہڑپا اور موہنجودڑو تین تہذیبوں کے وارث ہیں۔ ہم کسی سے کم نہیں، مجھے اپنے کلچر پر فخر ہے۔

محمد احمد شاہ کا کہنا تھا کہ اس کلچر فیسٹیول میں صرف میرے اکیلے کی محنت نہیں بلکہ گورننگ باڑی رکن، ایگزیکٹو ڈائریکٹر سمیت ایک ایک ٹیم ممبر اس میں شامل ہے۔ ہمارا کسی سے کوئی مقابلہ نہیں، اپنی ثقافت کے فروغ کےلیے کوشاں ہیں، ثقافت کے ذریعے ہم دہشت گردی کو ختم کرسکتے ہیں۔

صدر آرٹس کونسل کراچی محمد احمد شاہ وزیر ثقافت سندھ سید ذوالفقار علی شاہ کو شیلڈ پیش کر رہے ہیں، اس موقع پر چیف سیکریٹری  آصف حیدر شاہ بھی موجود ہیں - فوٹو: آرٹس کونسل کراچی
صدر آرٹس کونسل کراچی محمد احمد شاہ وزیر ثقافت سندھ سید ذوالفقار علی شاہ کو شیلڈ پیش کر رہے ہیں، اس موقع پر چیف سیکریٹری آصف حیدر شاہ بھی موجود ہیں – فوٹو: آرٹس کونسل کراچی

صدر آرٹس کونسل کراچی نے کہا کہ فیسٹیول میں یوکرین، فلسطین، امریکہ، جرمنی اور بھارت، سب شریک ہوں گے، اس میں ہماری کوئی سیاست نہیں، آرٹس کونسل آف پاکستان کراچی میں ہر رنگ و نسل اور زبان بولنے والے فنکار پرفارم کریں گے۔

انکا کہنا تھا کہ ہماری نوجوان نسل کئی جامعات کی بدولت ہم سے جڑی ہوئی ہے۔ پاکستان، جنوبی افریقہ اور نیپال نے مل کر بین الاقوامی گانا بنایا ہے۔ اگلے سال نومبر میں ہم مزید 20 ممالک کو فیسٹیول کا حصہ بنائیں گے۔

اس موقع پر صوبائی وزیر ثقافت و سیاحت سید ذوالفقار علی شاہ نے کہا کہ احمد شاہ نے جو کہا تھا وہ سچ کر دکھایا۔ آج واقعی بین الاقوامی فنکار آرٹس کونسل میں موجود ہیں۔ پاکستان میں دہشت گردی کا تاثر غلط ہے، ورلڈ کلچر فیسٹیول کراچی سے پاکستان کا مثبت چہرہ دنیا کے سامنے آئے گا۔

”ورلڈ کلچر فیسٹیول کراچی 2024“ کی افتتاحی میں فرحان رئیس اپنے گروپ کے ہمراہ پرفارم کرتے ہوئے - فوٹو: آرٹس کونسل کراچی
”ورلڈ کلچر فیسٹیول کراچی 2024“ کی افتتاحی میں فرحان رئیس اپنے گروپ کے ہمراہ پرفارم کرتے ہوئے – فوٹو: آرٹس کونسل کراچی

انہوں نے یہ بھی کہا کہ موسیقی اور آرٹ پیار کی زبان سمجھی جاتی ہے، دوسرے صوبوں کو بھی اس طرح کے کلچرل پروگرامز کرنے چاہئیں۔

صوبائی وزیر کا کہنا تھا کہ سندھ حکومت کا تعاون آرٹس کونسل کراچی کے ساتھ ہے، چیف سیکریٹری آصف حیدر شاہ کی خدمات قابل تعریف ہیں۔

واضح رہے کہ ”ورلڈ کلچر فیسٹیول کراچی“ میں 100 سے زائد کلچرل پرفارمنسز ہوں گی جبکہ 450 سے زائد فنکار پرفارم کریں گے۔ پاکستان اور بین الاقوامی تھیٹر، میوزک، ڈانس گروپ کی پرفارمنس کے علاوہ فائن آرٹ بھی فیسٹیول کا حصہ ہیں۔

فیسٹیول میں فلسطین، ترکیہ، بھارت، متحدہ عرب امارات، امریکا، برطانیہ، جرمنی، چین، آسٹریلیا، روس، مصر، عراق، جنوبی افریقہ، اٹلی، جاپان، سری لنکا، جنوبی کوریا، ناروے، برازیل، اسپین، بیلجیئم، یوکرین، اومان، قطر، مالٹا، زمبابوے، بنگلادیش، آذربائیجان، اسکاٹ لینڈ، ہنگری، فرانس، یوگنڈا، بیلاروس، آئرلینڈ، کوسووو، برونڈی، کانگو، روانڈا، الجزائر، سوئٹزرلینڈ کے فنکار پرفارم کریں گے۔

”ورلڈ کلچر فیسٹیول کراچی 2024“ کی افتتاحی تقریب میں آذربائیجان کے فنکار پرفارم کرتے ہوئے - فوٹو: آرٹس کونسل کراچی
”ورلڈ کلچر فیسٹیول کراچی 2024“ کی افتتاحی تقریب میں آذربائیجان کے فنکار پرفارم کرتے ہوئے – فوٹو: آرٹس کونسل کراچی

قوالی اور کلاسیکل رقص، اختر چنال، وہاب بگٹی، مائی ڈھائی، انسٹرومنٹلسٹ عبداللّٰہ، فقیر ذوالفقار کے علاوہ سارنگی، بانسری جیسے ساز بھی فیسٹیول کی رونقیں بڑھائیں گے۔ 

فیسٹیول کے پہلے روز صاحب پشازادے، کامران کریموو، روانڈا سے پیس جولس، لی ڈیا، گساسیرا روگامبا سرج، نیپال سے مدن گوپال، وہاب شاہ ڈانس کمپنی، فرحان رئیس خان، احسن باری، ارمان رحیم، مصطفیٰ بلوچ میوزکل پرفارمنس جبکہ مانی چاﺅ نے ”پیر دی جگنی“ اور ممتاز سبزل نے بینجوڑ پر کلاسیکل اور فوک پرفارمنس پر خوب داد وصول کی۔