دی نیوز اور جنگ کے زیرِ اہتمام ایجوکیشن ایکسپو 2025ء کا اسلام آباد میں انعقاد کیا گیا جس میں طلبہ کی بڑی تعدادنے مستقبل میں اعلیٰ تعلیم کے حصول کے لیے رہنمائی حاصل کی۔
ملک میں ہائر ایجوکیشن کے فروغ کے لیے اسلام آبادمیں دی نیوز اور جنگ کے زیرِ اہتمام ایکسپو میں 27 سے زائد اسٹالز لگائے گئے۔
ایکسپو میں ملکی اور غیر ملکی تعلیمی ادارےشریک ہوئے، طلبہ کی بڑی تعداد کو مختلف یونیورسٹیز میں داخلے کے لیے ایک چھت تلے رہنمائی فراہم کی گئی۔
اس موقع پر طلبہ کو تفریح کا موقع فراہم کرنے کے لیے مصوری کے مقابلے کا اہتمام بھی کیا گیا، جس میں طلبہ نے پیٹنگز بنا کر ایکسپو کو چار چاند لگا دیے۔
