وزیرِاعظم شہبازشریف کی ہدایت پر فیڈرل بورڈ آف ریوینیو (ایف بی آر) میں آرٹیفشل انٹیلی جنس پر مبنی کسٹمز کلیئرنس سسٹم متعارف کرادیا گیا۔
اعلیٰ سطح کے اجلاس کے دوران وزیرِاعظم کو حکام کی جانب سے بریفنگ دی گئی۔
بریفنگ کے دوران وزیرِ اعظم شہباز شریف کو بتایا گیا کہ امپورٹ ایکسپورٹ کے دوران لاگت اور نوعیت کا تخمینہ اے آئی اور بوٹس کریں گے، نئے نظام کی ابتدائی ٹیسٹنگ کے دوران 92 فیصد سے زائد بہتر کارکردگی سامنے آئی ہے۔
وزیرِ اعظم شہبازشریف نے اجلاس سے خطاب میں کہا کہ ایف بی آر کی اصلاحات حکومت کی اولین ترجیحات میں شامل ہے، ٹیکس نظام کو خود کار بنانے، شفافیت لانے کے لیے مزید مؤثر بنا رہے ہیں۔
ان کا کہنا تھا کہ ایف بی آر کے نظام میں انسانی مداخلت کم ہونے سے وقت اور پیسے کی بچت ہوگی۔
