ماہر بین الاقوامی اُمور پروفیسر عادل نجم نے کہا ہے کہ اگر ایران کی معیشت سے پابندیاں ہٹائی جاتی ہیں تو یہ ایک بہت بڑی پیش رفت ہوگی، اگر ایسا ہو گیا تو اس کا مطلب ہے کہ ایران جیت گیا اور نیتن یاہو کو شکست ہو گئی۔
’جیو نیوز‘ کے پروگرام ’آج شاہ زیب خانزادہ‘ کے ساتھ میں بات کرتے ہوئے پروفیسر عادل نجم نے کہا کہ ایران پر معاشی سے پابندیاں ہٹنے کی صورت میں پاکستان کے لیے ناممکن سمجھی جانے والی بہت سی چیزیں ممکن ہو جائیں گی۔
ایرانی قوم پاکستانی عوام کے برادرانہ جذبے اور حمایت کو کبھی فراموش نہیں کرے گی: رضا امیری مقدم
انہوں نے مزید کہا کہ پاکستان کو ایک ایسا ہمسایہ مل جائے گا جس کے ساتھ تجارت ہو سکے گی اور یہ تجارت صرف تیل اور گیس تک محدود نہیں رہے گی۔
پروفیسر عادل نجم کا کہنا ہے کہ پاکستان کو ان تعلقات کی وجہ سے فائدہ ہوسکتا ہے مگر ہمیں پھرتی دکھانا ہوگی۔
