ہمایوں سعید کی عمر سے متعلق مصطفیٰ قریشی کی بات کی دلچسپ ویڈیو سوشل میڈیا پر وائرل ہوگئی۔
پاکستان کے سپر اسٹار ہمایوں سعید اس وقت اپنی نئی فلم لو گرو کی کامیابی کی خوشی منا رہے ہیں، جو باکس آفس پر شاندار بزنس کر رہی ہے، کئی میگا ہٹ پراجیکٹس سے شہرت کی بلندیوں کو چھونے والے ہمایوں جلد ہی میں منٹو نہیں ہوں جیسے بڑے ڈرامے میں بھی جلوہ گر ہوں گے۔
گورنر سندھ نے مصطفیٰ قریشی کو لائف ٹائم اچیومنٹ ایوارڈ سے نواز دیا
حال ہی میں ہمایوں سعید ایک Meet & Greet سیشن کے دوران لیجنڈری اداکار مصطفیٰ قریشی سے ملے، اس ملاقات کی ایک دلچسپ ویڈیو سوشل میڈیا پر وائرل ہو رہی ہے۔
اس موقع پر مصطفیٰ قریشی ہمایوں کی تاریخِ پیدائش سے متعلق گفتگو کرتے ہیں اور عدد 7 کی اہمیت کو اجاگر کرتے ہوئے کہتے ہیں کہ تم 27 جولائی 1971ء کو پیدا ہوئے، اس میں 3 ‘سات’ ہیں، 27 میں، جولائی (ساتواں مہینہ) میں اور 1971ء میں۔ اگر 1971ء کے ہندسوں کو جمع کریں (1+9+7+1=18، پھر 1+8=9)، تو 9 بھی ایک طاقتور عدد ہے۔
ہمایوں سعید نے ہنستے ہوئے جواب دیا کہ آپ نے تو میری عمر بھی بتا دی، اس جملے پر سب لوگ قہقہے لگانے لگے۔
اگر مصطفیٰ قریشی کی بتائی گئی تاریخ پیدائش 27 جولائی 1971ء کو درست مانا جائے، تو اس کا مطلب ہے کہ ہمایوں سعید جلد ہی 54 سال کے ہو جائیں گے۔
ویڈیو دیکھنے والوں نے اسے دل چسپ اور مزاحیہ قرار دیا، ایک صارف نے لکھا ہمایوں آج بھی 35 کے لگتے ہیں، عمر کا کیا ہے؟ ایک اور نے کہا اتنے سال بعد بھی اتنی فٹنس؟ راز بتائیں۔
