برٹش ٹینس اسٹار ایما راڈوکانو نے اسپین کے کارلوس الکاریز سے دوستی کی خبروں پر خاموشی توڑ دی۔
پریس کانفرنس میں خاتون کھلاڑی سے کارلوس الکاریز سے دوستی کی افواہوں کے بارے میں سوال کیا گیا تھا جس پر انہوں نے کارلوس الکاریز کو صرف اپنا دوست قرار دیا۔
ایما راڈوکانو سے سوال کیا گیا کہ کیا افواہوں کے پیچھے کوئی چیز ہے؟ جس پر انہوں نے کہا کہ ہم صرف اچھے دوست ہیں۔
بعدازاں پریس کانفرنس کنڈکٹ کرنے والی خاتون نے کہا کہ میرے خیال میں ہم اب یہاں ختم کریں گے جس پر ایما راڈوکانو نے زوردار قہقہ لگاتے ہوئے کہا کہ یہی ختم کرنے کا طریقہ ہے۔
میڈیا رپورٹس کے مطابق یو ایس اوپن ڈبلز کے لیے پیئر بننے کے بعد ان دونوں کی دوستی کے حوالے سے چہ مگوئیاں ہو رہی ہیں، ان دونوں نے ایک ساتھ اشتہاری مہم میں بھی حصہ لیا ہے۔
غیرملکی میڈیا کے مطابق کارلوس الکاریز اور ایما راڈوکانو کو ایک پرفیکٹ فلمی جوڑی کی طرح تشبیہ دی جارہی ہے جبکہ میڈیا ان کے حوالے سے ٹینس کی رومانوی جوڑی بھی لکھ رہا ہے۔
