پاکستانی شوبز انڈسٹری کی معروف اداکارہ ہانیہ عامر کی موٹر سائیکل پر ڈانس کرتے ویڈیو سوشل میڈیا پر وائرل ہوگئی ہے۔
ہانیہ عامر نے فوٹو اینڈ ویڈیو شیئرنگ ایپ انسٹاگرام پر ایک نئی پوسٹ شیئر کی ہے۔
اس پوسٹ میں شیئر کی گئی ایک ویڈیو میں اداکارہ کو کراچی کی سڑکوں پر موٹرسائیکل پر سواری سے لطف اندوز ہوتے ہوئے دیکھا جا سکتا ہے۔
ہانیہ عامر نے اس پوسٹ میں موٹرسائیکل پر اپنے ڈانس کی ویڈیو کے علاوہ دوستوں کے ساتھ گزرے خوشگوار لمحات کی تصاویر اور ویڈیوز بھی شیئر کی ہیں جن میں اُنہیں گھڑ سواری سمیت مختلف سرگرمیوں سے لطف اندوز ہوتے ہوئے دیکھا جا سکتا ہے۔
ہانیہ اور عاصم کی مماثل پوسٹس نے چہ مگوئیاں تیز کردیں
اس سے قبل اداکارہ کی گلوکار عاصم اظہر کے کنسرٹ سے ایک ویڈیو وائرل ہوئی تھی جس میں وہ اسٹیج کے بالکل سامنے کھڑی اپنی قریبی دوست اداکارہ یشما گل کے ساتھ عاصم اظہر کے مشہور گانے’غلط فہمی‘ پر ڈانس کرتے نظر آئیں۔
ہانیہ عامر تمام سوشل میڈیا پلیٹ فارمز پر اپنے مداحوں کے ساتھ جڑی رہتی ہیں اور اکثر ہی اپنی دلچسپ تصاویر اور ویڈیوز کی وجہ سے سوشل میڈیا صارفین کی خصوصی توجہ کا مرکز بنی رہتی ہیں۔
