پاکستانی شوبز انڈسٹری کے سینئر اداکار محسن گیلانی نے انکشاف کیا کہ اداکارہ ماہم عامر نے ایک مشہور اداکار کو بھرے مجمعے میں تھپڑ مارا تھا۔
محسن گیلانی نے حال ہی میں ایک پوڈ کاسٹ میں بطور مہمان شرکت کی جہاں اُنہوں نے مختلف موضوعات پر دلچسپ گفتگو کی۔
اُنہوں نے نوجوان اداکاراؤں کی جانب سے شوبز انڈسٹری پر کی جانے والی تنقید پر ردعمل دیتے ہوئے کہا کہ اگر اُنہیں لگتا ہے کہ اس انڈسٹری میں لڑکیاں محفوظ نہیں ہیں تو انہیں یہ انڈسٹری چھوڑ دینی چاہیے اس طرح صرف تنقید کرنے سے تو کچھ حاصل نہیں ہوگا۔
اداکارہ ماہم عامر نے اپنی آمدن سے متعلق لب کشائی کر دی
اداکار نے انکشاف کیا کہ اسی انڈسٹری میں اداکارہ ماہم عامر جیسے لوگ بھی موجود ہیں وہ بچی ایسے افراد کو جو اس کے ساتھ بدتمیزی کرنے کی کوشش کرتے ہیں اُنہیں تھپڑ مار دیتی ہے۔
اُنہوں نے کہا، ’میں نام نہیں لینا چاہتا لیکن بہت مشہور اداکاروں کو بھی نامناسب حرکتیں کرنے پر بھرے مجمعے میں تھپڑ پڑے۔‘
محسن گیلانی کا کہنا تھا کہ اگر کسی کو کوئی بات ناگوار گزرتی ہے تو پھر وہ اسے ہنس کے نظر انداز نہیں کرتا بلکہ تھپڑ مار دیتا ہے۔
