معروف بالی ووڈ اداکارہ عالیہ بھٹ کی سابقہ پرسنل اسسٹنٹ ویدیکا پرکاش شیٹی کو ممبئی پولیس نے تقریباً 76 لاکھ روپے کے مبینہ مالیاتی فراڈ کے الزام میں بنگلور سے گرفتار کر لیا۔
پولیس کے مطابق شیٹی ایٹرنل سن شائن پروڈکشنز پرائیویٹ لمیٹڈ میں سیکریٹری کے طور پر کام کر رہی تھیں، یہ کمپنی عالیہ بھٹ کی ذاتی فلم پروڈکشن کمپنی ہے، اپنی حیثیت کے باعث انہیں مالیاتی معاملات تک مکمل رسائی حاصل تھی، جس کا مبینہ طور پر غلط استعمال کرتے ہوئے انہوں نے اگست 2022ء سے 2024ء کے درمیان کمپنی کے اکاؤنٹ سے خطیر رقم غبن کی۔
عالیہ بھٹ نے بیٹی راہا کی تمام تصاویر کیوں ہٹادیں؟
یہ شکایت عالیہ کی والدہ سونی رازدان نے رواں سال ممبئی کے جوہو پولیس اسٹیشن میں درج کرائی تھی، جس کے بعد 23 جنوری 2025ء کو شیٹی کے خلاف مقدمہ درج کیا گیا۔
ادھر عالیہ بھٹ ان دنوں اپنی نئی فلم ’الفا‘ کی شوٹنگ میں مصروف ہیں، جسے شِو راویل ڈائریکٹ کر رہے ہیں اور یہ یش راج فلمز کے بینر تلے بن رہی ہے۔ فلم کی ریلیز 25 دسمبر کو متوقع ہے۔
