پاکستان ہاکی فیڈریشن کی طرف سے پرو لیگ میں شرکت مالی وسائل کے حل سے مشروط ہو گئی ہے۔
ذرائع کا کہنا ہے کہ پی ایچ ایف کے پاس فنڈز ہوئے تو ہاکی فیڈریشن پرو لیگ میں شرکت کرے گی۔
ایف آئی ایچ نے پاکستان ہاکی فیڈریشن کو پرو لیگ میں شرکت کا باقاعدہ دعوت نامہ بھیج دیا ہے۔ پی ایچ ایف کو پہلا جواب 27 جون کو دینا ہے۔
پی ایچ ایف کو پرو لیگ میں شرکت کے لیے 50 کروڑ سے زائد کی رقم درکار ہے۔
پرو لیگ میں حامی بھر کر شرکت نہ کرنے پر فیڈریشن پر بھاری جرمانہ اور پابندی لگ سکتی ہے۔
