پاکستان کی معروف مارننگ شو میزبان اور اداکارہ ندا یاسر نے خواتین کو شوہروں کو کنٹرول کرنے کا آزمودہ نسخہ بتادیا۔
حالیہ مارننگ شو میں ندا یاسر نے ونیزہ احمد، فیضان شیخ اور ایک ماہر نفسیات کو مدعو کیا تھا، پروگرام میں خوشگوار شادی شدہ زندگی کے لیے مختلف تجاویز اور نفسیاتی پہلوؤں پر گفتگو کی گئی۔
ندا یاسر نے گفتگو کے دوران کہا کہ آپ نے ضرور نوٹ کیا ہوگا کہ بعض خواتین اپنے شوہروں کو بہت اچھی طرح قابو میں رکھتی ہیں اور لوگ ان کے بارے میں کہتے ہیں کہ اس کا شوہر تو اس کے کنٹرول میں ہے۔
ندا نے یاسر نواز کا لیپ ٹاپ اور ٹی وی توڑنے کی وجہ بتا دی
انہوں نے کہا کہ دراصل ایسا اس لیے ہوتا ہے کہ وہ عورت اپنے شوہر کی نفسیات کو سمجھ چکی ہوتی ہے اور پھر اسی بنیاد پر وہ اس پر اثرانداز ہونے لگتی ہے۔
ندا نے ایک ذاتی مثال دیتے ہوئے کہا کہ ہماری جاننے والی ایک خاتون نے اپنے شوہر کی نفسیات کو اتنا سمجھ لیا ہے کہ اب وہ اس کا بدمزہ کھانا بھی خوشی سے کھاتا ہے۔
انہوں نے خواتین کو مشورہ دیتے ہوئے کہا کہ اگر آپ چاہتی ہیں کہ آپ کا شوہر آپ کے زیرِ اثر رہے تو سب سے پہلے اس کے دماغ اور رویے کو سمجھنا سیکھیں۔
