وزیرِ اعظم شہباز شریف کے بانیٔ پی ٹی آئی عمران خان کے خلاف ہتکِ عزت کے دعوے پر سماعت 28 جون تک ملتوی کر دی گئی۔
سیشن کورٹ لاہور کے ایڈیشنل سیشن جج یلماز غنی نے بانیٔ پی ٹی آئی کے خلاف شہباز شریف کے 10 ارب روپے ہرجانے کے دعوے کا تحریری فیصلہ جاری کر دیا۔
عدالت نے وزیرِاعظم شہباز شریف کے لیگل نوٹس کو ریکارڈ کا حصہ بنانے کی درخواست بھی بانی پی ٹی آئی کے وکیل کے حوالے کردی۔
درخواست میں کہا گیا کہ دعویٰ دائر کرنے سے پہلے لیگل نوٹس سمیت تمام قانونی تقاضے پورے کیے گئے ہیں۔
عمران خان کیخلاف ہتک عزت دعوے پر سماعت، وزیراعظم شہباز شریف ویڈیو لنک پر جرح کیلئے پیش
یاد رہے کہ وزیرِ اعظم شہباز شریف نے بانی پی ٹی آئی کے خلاف 10 ارب روپے ہرجانے کا دعویٰ دائر کر رکھا ہے۔
بانی پی ٹی آئی کے وکیل حسین چوٹیا نے دعوے میں لیگل نوٹس نہ ہونے کا اعتراض لگایا تھا۔
