وزیراعلیٰ خیبر پختونخوا علی امین گنڈاپور نے کہا ہے کہ کچھ سازشی چاہتے ہیں صوبے میں فنانشل ایمرجنسی اور پھر گورنر راج لگالیں۔
پشاور سے جاری ویڈیو بیان میں علی امین گنڈاپور نے کہا کہ بانی پی ٹی آئی، ان کی اہلیہ، پارٹی قائدین اور ورکرز جیلوں میں ہیں جبکہ کچھ لوگ بانی پی ٹی آئی کو کمزور کرنے کے ایجنڈے پر لگے ہیں۔
بیرسٹر سیف کی خیبر پختونخوا کے بجٹ پر بانی پی ٹی آئی کو بریفنگ
انہوں نے کہا کہ ان کا ایجنڈا بانی پی ٹی آئی کے دشمنوں کو مضبوط کرنا ہے، ہمارے بہت سے لوگ سازش کا حصہ بنے، ان لوگوں کا تعین آپ نے خود کرنا ہے۔
وزیراعلیٰ خیبر پختونخوا نے مزید کہا کہ صوبے کے عوام نے بزور بازو اپنا مینڈیٹ چوری ہونے سے بچایا، خیبر پختونخوا بانی پی ٹی آئی کا مضبوط قلعہ ہے۔
جنگی اخراجات کا بجٹ بڑھنا چاہیے، عمر ایوب
ان کا کہنا تھا کہ یہ لوگ چاہتے ہیں سازش کے ذریعے فنانشل ایمرجنسی اور پھر گورنر راج لگالیں، بجٹ پیش ہوتے وقت غدار، مائنس بانی پی ٹی آئی اور طرح طرح کی مہم چلائی گئی۔
علی امین گنڈاپور نے یہ بھی کہا کہ کمپینز چلانے والے بانی پی ٹی آئی کی سوچ کے ساتھ نہیں تھے، یہ لوگ نادانی یا کسی کے کہنے پر کسی اور کی سوچ کو پروموٹ کررہے تھے۔
انہوں نے کہا کہ بانی پی ٹی آئی نے بجٹ سے متعلق کمیٹی کی ملاقات کرانے کا کہا ہے، بانی کا پیغام آیا کہ میں نے بجٹ پیش کرنے سے منع نہیں کیا۔
کے پی کا بجٹ 23 جون کو پاس کرنا ضروری نہیں تھا: سلمان اکرم راجہ
وزیراعلیٰ خیبر پختونخوا نے کہا کہ بجٹ شیڈول کے مطابق پاس کرنا پڑتا ہے، بانی پی ٹی آئی سے یہ ملاقات کے لیے نہیں چھوڑتے تھے، ان کا منصوبہ تھا کہ ملاقات نہ کرا کر یہ حکومت ختم کردیں۔
اُن کا کہنا تھا کہ بانی پی ٹی آئی جب بھی کہیں گے حکومت ختم کردوں گا، پھر مہم چلائی گئی جس پر پارلیمانی اور سیاسی کمیٹی بیٹھی، بانی پی ٹی آئی نے حکم نہیں دیا کہ ملاقات نہیں ہوتی تو حکومت ختم کریں۔
علی امین گنڈاپور نے کہا کہ اگر ایسے احکامات ہوتے تو پھر حکومت جاتی تو چلی جاتی، بانی پی ٹی آئی نے کہا ہے کہ بجٹ پاس کرنا تھا تو ٹھیک ہے، بانی حکومت ختم نہیں کرنا چاہتے، یہ ان کی سوچ تھی۔
میرا خیال ہے عمران مائنس ہو گئے: علیمہ خان
انہوں نے کہا کہ جن لوگوں نے غداری کے فتوے لگائے، بیانات تبدیل کیے اور ان کی پہچان کریں، یہ وہی لوگ ہیں جو چاہتے ہیں کہ بانی پی ٹی آئی رہا نہ ہوں۔
وزیراعلیٰ خیبر پختونخوا نے کہا کہ مائنس بانی پی ٹی آئی اس وقت ہوگا جب ہم زندہ نہیں ہوں گے، کسی کا باپ بھی مائنس بانی پی ٹی آئی نہیں کرسکتا، کارکنان اندر کے دشمنوں اور تحریک کو کمزور کرنے والوں کو پہنچانیں۔
