جیکب آباد میں سبزی منڈی کے قریب ریلوے ٹریک پر دھماکے کے باعث جعفر ایکسپریس کی 5 بوگیاں پٹڑی سے اتر گئیں۔
ریلوے پولیس کے مطابق جعفر ایکسپریس کی بوگیاں ٹریک سے اترنے سے کوئی جانی نقصان نہیں ہوا۔
ریسکیو ٹیموں نے بروقت کارروائی کرتے ہوئے بوگیوں میں پھنسے مسافروں کو بحفاظت نکال لیا۔
رحمان بابا ایکسپریس کی بوگیاں پٹری سے اتر گئیں، گاڑیوں کی آمد و رفت میں تاخیر
ریلوے پولیس نے کہا کہ بم ڈسپوزل اسکواڈ کو سکھر سے طلب کر لیا گیا ہے اور ٹرینوں کی آمد و رفت معطل کردی گئی ہے۔
دھماکے کے باعث اپ ٹریک سے آنے والی سکھر ایکسپریس اور خوشحال خان خٹک ایکسپریس کو مختلف اسٹیشنز پر روک لیا گیا۔
اس حوالے سے نے کہا کہ بم ڈسپوزل اسکواڈ دھماکے کی نوعیت کا تعین کر رہا ہے، دھماکے میں کوئی جانی نقصان نہیں ہوا۔
ایس ایس پی صدام خاصخیلی کا کہنا تھا کہ ٹرین کو روانہ کرنے کی کوشش کر رہے ہیں، پولیس اہلکاروں نے علاقے کو گھیرے میں لیا ہے اور تفتیش جاری ہے۔
