ہالی ووڈ کے اسٹار اداکار آرنلڈ شوارزنیگر نے جس فلم سے 40 ملین ڈالر سے زائد کمائے وہ ایکشن نہیں بلکہ کامیڈی تھی۔
77 سالہ آرنلڈ شوارزنیگر نے 40 سالہ فلمی کیریئر میں ہالی ووڈ کو ٹرمنیٹر، پریڈیٹر، ٹوٹل ریکال، ٹرو لائیز سمیت کئی یادگار فلمیں دیں۔
آرنلڈ کے بیٹے نے طعنوں سے بچنے کیلئے نام بدلنے پر غور کیا تھا
آرنلڈ شوارزنیگر کی یہ تمام ہی فلم ایکشنز سے بھرپور ہیں، وہ بلاشبہ ہالی ووڈ کی تاریخ کے سب سے بڑے ایکشن اسٹارز ہیں، انہیں صرف سلویسٹر اسٹالون سے مقابلے کا سامنے رہا۔
حیرت انگیز بات یہ ہے کہ انہیں کبھی بھی ایکشنز فلم سے بڑی کمائی حاصل نہیں ہوئی بلکہ ایک کامیڈی فلم تھی، جس سے انہوں نے 40 ملین ڈالرز سے زائد کمائے۔
آرنلڈ شوارزنیگر نے ایک ٹاک شو میں شرکت کی اور انکشاف کیا کہ ان کی کامیڈی فلم ’ٹوئینز‘ کیریئر کی سب سے منافع بخش فلم تھی، مجھے اس فلم سے معاوضہ نہیں بلکہ منافع میں حصہ ملا۔
میزبان نے استفسار کیا کہ کیا آپ کو اس فلم سے 20 یا 40 ملین تک ملے؟ تو اداکار نے جواب دیا کہ یہ اس سے بھی زیادہ تھا، یہ میری کسی بھی فلم کی سب سے زیادہ کمائی تھی۔
فلم ٹوئینز سے پہلے آرنلڈ شوارزنیگر کی وجہ شہرت ایکشن فلمز تھیں، جب انہیں کاسٹ کیا گیا تو ہالی ووڈ میں حیرت کی لہر دوڑ گئی، کسی کو بھی ان کی کامیڈی صلاحیتوں پر یقین نہیں آیا۔
ہالی ووڈ اداکار نے فلمساز کو آفر کی کہ اگر ہم معاوضہ نہ لیں تو فلم ساڑھے 16 ملین میں بن سکتی ہے، یوں ہمیں فلم کے منافع میں 40 فیصد دیا گیا، یہ بہترین ڈیل ثابت ہوئی۔
آرنلڈ شوارزنیگر کے بیٹے نے ساڑھے 13 کلو وزن کم کرنے کا نسخہ بتادیا
1988ء میں ریلیز ہونے والی فلم نے باکس آفس پر دھوم مچادی اور دنیا بھر میں 216 ملین ڈالرز کمائے، اس کا سیکوئل بنانے کا منصوبہ تھا لیکن وہ ہدایت کار کی وفات کے باعث ترک کردیا گیا۔
آرنلڈ شوارزنیگر 77 سال کی عمر میں بھی ایکشن اور کامیڈی دونوں طرز کی فلم میں کام کر رہے ہیں، ان کی ایکشن کامیڈی سیریز فیوبر کا دوسرا سیزن 12 جون کو نیٹ فلیکس پر ریلیز ہوا ہے جبکہ دیگر آنے والی فلموں میں دی مین وتھ دی بیگ شامل ہیں، جس میں وہ سانتا کلاز کا کردار نبھائیں گے۔
