پاکستان کے ایران میں تعینات سفارتکاروں کے اہلخانہ اور غیر ضروری عملے کے انخلاء کا فیصلہ کرلیا ہے۔
دفتر خارجہ کے سینئر عہدیدار کا کہنا ہے کہ ایران میں موجود پاکستانی مشن بدستور فعال رہیں گے۔
پاکستان کا ایران سے سفارتی عملہ واپس بلانے پر غور
انہوں نے مزید کہا کہ ایران میں پاکستانی سفارتخانہ اور قونصل خانے معمول کے مطابق کام کرتے رہیں گے۔
اس سے قبل خبر آئی تھی کہ ایرانی دارالحکومت تہران میں پاکستان کے 70 سفارتی اہلکار اپنے خاندانوں سمیت موجود ہیں۔
سفارتی ذرائع سے کہا گیا تھا کہ پاکستان نے ایران میں تعینات سفارتی عملے کو جنگ کے باعث صورتحال مزید خراب ہونے پر اپنا عملہ واپس بلانے پر غور کیا ہے۔
دوسری طرف ایران سے آئے پاکستانی زائرین اور دیگر افراد پر مشتمل قافلہ تفتان سے کوئٹہ پہنچ گیا ہے، جنہیں 6 بسوں کے ذریعے لایا گیا۔
