وزیراعظم شہباز شریف نے قازقستان کے صدر جومارٹ توکائیف سے ٹیلی فون پر رابطہ کرتے ہوئے صدر قازقستان اور وہاں کے عوام کو عیدالاضحیٰ کی مبارکباد پیش کی۔
ٹیلی فونک رابطے کے دوران دونوں رہنماؤں نے دوطرفہ تعلقات میں مثبت پیشرفت پر اطمینان کا اظہار کیا۔
وزیراعظم ہاؤس کے اعلامیے کے مطابق دونوں رہنماؤں نے حالیہ پاک بھارت بحران پر بھی گفتگو کی، وزیراعظم نے صدر قازقستان کو امن و استحکام برقرار رکھنے کی پاکستان کی کوششوں سے آگاہ کیا۔
وزیراعظم کی ترک صدر اور عوام کو عیدالاضحیٰ کی مبارکباد، نیک تمناؤں کا اظہار
وزیراعظم نے کہا کہ اس سال کے آخر میں قازقستان کے صدر کے دورہ پاکستان کا منتظر ہوں۔
صدر قازقستان کے دورے میں کئی مفاہمتی یاداشتوں اورمعاہدوں پر دستخط متوقع ہے۔
قازقستان کے صدر نے عید کی مبارکباد پر وزیراعظم کا شکریہ ادا کرتے ہوئے کہا کہ اس سال کے آخر میں پاکستان کا دورہ کروں گا۔
آئندہ ماہ کے اوائل میں قازقستان کے وزیرخارجہ بھی پاکستان کا دورہ کریں گے۔
