سوشل میڈیا پر ایک وائرل ویڈیو سے شہرت حاصل کرنے والی اداکارہ دنانیر مبین اور معروف اداکار احد رضا میر کی شادی سے متعلق ایک بار پھر قیاس آرائیاں ہونے لگیں۔
مختلف سماجی رابطوں کی ویب سائٹس پر وائرل ہونے والی تصاویر میں احد رضا میر اور دنانیر مبین کو ایک ساتھ دیکھا گیا۔
تصاویر اور ویڈیوز سے معلوم ہوتا ہے کہ یہ کسی شادی کے سلسلے میں منعقد ہونے والی مایوں یا مہندی کی نجی تقریب کی ہیں۔
ان تصاویر و ویڈیوز میں اداکار احد رضا میر اور اداکارہ دنانیر مبین کو ایک ساتھ دیکھا گیا، جس پر سوشل میڈیا صارفین مختلف قیاس آرائیاں کر رہے ہیں۔
خیال رہے کہ گزشتہ دنوں اداکارہ دانانیر مبین اور احد رضا میر کا ڈرامہ میم سے محبت عوام کی توجہ کا مرکز بنا ہوا تھا، اس آن اسکرین جوڑی کو مداحوں نے بےحد پسند کیا۔
اس ڈرامے کی شوٹنگ کے دوران ان دونوں کی خوش گوار تصاویر اور ویڈیوز بھی وائرل ہوئیں۔ مداحوں نے ان دونوں کی کیمسٹری کو خوب پسند کیا اور اسکرین کے ساتھ ساتھ حقیقی زندگی میں بھی ان کی جوڑی بنانے کی خواہش کا اظہار کرنے لگے۔
خاص طور پر جب احد رضا میر کی والدہ ثمرہ رضا میر نے دانانیر کے لیے اپنی محبت کا اظہار کیا۔ انہوں نے دانانیر کے لیے خود کھانا پکایا، جبکہ احد اور ان کے والد آصف رضا میر نے ان کی گریجویشن کے موقع پر انہیں ہار پہنائے۔
دانانیر مبین نے احد رضا میر سے شادی سے متعلق خاموشی توڑ دی
البتہ دنانیر مختلف انٹرویوز میں زیر گردش قیاس آرائیوں سے انکار کر چکی ہیں تاہم مختلف مواقع پر دونوں فنکاروں کی قریبتیں سوشل میڈیا صارفین کو گمان میں مبتلا کر رہی ہیں۔
اب حال ہی میں شادی کی تقریب جس کے حوالے سے سوشل میڈیا پر دعویٰ کیا جارہا ہے کہ یہ تقریب احد رضا میر کے کزن کی شادی کی ہے، جس میں دنانیر کا شرکت کرنا اس بات کی جانب اشارہ دیتا ہے کہ ممکنہ طور پر دونوں جلد شادی کے بندھن میں بندھنے والے ہیں۔
